काठमाडौं, साउन ५ । संगीत हाम्रा सबै भावनाहरू व्यक्त गर्ने माध्यम हो । अहिलेको बदलिँदो जीवनशैलीको असर वृद्धवृद्धामा मात्र नभई साना बालबालिकामा पनि परेको छ । विद्यालय शिक्षा, बिग्रँदै गएको घरको वातावरण आदिका कारण कतिपय बालबालिका सानै उमेरमा तनावको सिकार भइरहेका छन् जसले गर्दा उनीहरुको स्वभावले आक्रामकताको रूप लिइरहेको छ ।

यस्तो अवस्थामा उनीहरूलाई शान्त पार्न र शान्त राख्न संगीतको प्रयोग गर्न सकिन्छ । आफ्ना सन्तानलाई सानै उमेरदेखि केही समयका लागि भए पनि संगीत प्रशिक्षण गराउनु फाइदा हुने एक अध्ययनको दाबी छ । नर्थ वेस्टर्न विश्वविद्यालयमा गरिएको एक अध्ययन अनुसार सांगीतिक शिक्षाले बच्चालाई राम्रो श्रोता पनि बनाउन पनि सघाउँछ ।

संगीत प्रशिक्षण र श्रवणले बच्चाहरुको मस्तिष्कको विकासमा मद्दत पुग्छ । यसले गुणस्तरीय सिकाइ प्रक्रियाको रूपमा काम गर्दछ जसले बच्चाहरूलाई पनि आनन्दित बनाउँछ। यसको शान्त र आनन्दपनले बच्चाहरूलाई हरेक क्षेत्रमा अगाडि राख्न मद्दत गर्न सक्छ।

संगीत प्रशिक्षणले उनीहरूलाई खुसी बनाउने भूमिका खेल्छ भने उनीहरुको कल्पना शक्ति, भाषा तथा सिक्ने कलाको पनि विकास गराउँदछ । यसले उनीहरूमा भावनात्मक विकास, आत्मविश्वास र सामाजिक रूपमा घुलमिल हुन सक्ने खुबी बढाउँछ । जानौं म्युजिक थेरापी बालबालिकाका लागि कत्तिको फाइदाजनक छ !

बच्चाहरुको लागि संगीत प्रशिक्षणको लाभ
जब बच्चाहरूले संगीत सुन्छन् वा गीत गाउँछन्, तिनीहरू तनाव र चिन्ताबाट मुक्त हुन्छन् । उनीहरू भित्रै आनन्दको अनुभूति गर्छन्, जसका कारण तनावका कारण मनमा लागेको घाउ निको पार्नमा धेरै फाइदा हुन्छ। त्यसैले बालबालिकालाई संगीत सुन्ने र संगीत सिक्न उत्प्रेरित गर्न आवश्यक छ ।

साना बच्चाहरूले आफ्ना भावनाहरू राम्रोसँग व्यक्त गर्न सक्दैनन्, तर जब उनीहरू संगीत सिक्छन् वा संगीतमय वातावरणमा हुन्छन्, यसले उनीहरूलाई आफ्ना भावनाहरू राम्ररी बुझ्न र व्यक्त गर्न मद्दत गर्दछ । यसरी, तिनीहरूले आफ्ना भावनाहरूलाई राम्रोसँग बुझ्छन् र भावनाहरूलाई नियन्त्रण गर्न वा व्यवहार गर्न सिक्छन् ।

म्युजिक थेरापीको सहयोगले बालबालिकाको सञ्चार क्षमतामा धेरै सुधार भएको छ । तिनीहरू बढी संवेदनशील हुन्छन् र परिवारसँग आफ्ना भावनाहरू एकआपसमा बाड्न वा केही कुराहरूमा सम्झौता गर्न सिक्छन् । संगीतले उनीहरूलाई धैर्यवान बनाउँछ । त्यसैले बच्चाहरुको लागी संगीत धेरै महत्त्वपूर्ण छ । बच्चाहरूलाई संगीत सिक्न हामीले उत्प्रेरित गर्नुपर्छ ।