काठमाडौं, चैत्र १ । "पर्यटक कलाकारको स्वागत सत्कार, नेपाली लोक संस्कृतिको आधार" भन्ने मुल नारा सहित आयोजना भएको १२ औँ अन्तर्राष्ट्रिय लोक सांस्कृतिक मेला सम्पन्न भएको छ ।

मेला फाल्गुन १९ गते काठमाडौंको कमलादीस्थित नेपाल प्रज्ञाप्रतिष्ठानमा उद्घाटन समारोहबाट सुरुवात भएको थियो भने फागुन १८ गते देखी २७ गतेसम्म देशका बिभिन्न भागमा आयोजना गरिएको थियो । मेलामा  ११ देशका ३५० भन्दा बढी कलाकारले सहभागी जनाएका थिए ।

काठमाडौंमा उद्घाटन कार्यक्रमपछि मेला दाङको घोराही, पोखराको लेकसाइड हुँदै काठमाडौं फर्किएको ११ देशका कलाकारले बसन्तपुर दरबारक्षेत्र तथा काठमाडौंको मनमैजुस्थित लालीगुराँस नेशनल एकेडेमीमा आफ्नो प्रस्तुती दिएका थिए ।

दाङको घोराही बजार, काठमाडौंको असन इन्द्रचोक हुँदै बसन्तपुर दरबारक्षेत्र, पोखराको लेकसाइड तथा मनमैजु क्षेत्रमा  अष्ट्रिया, बेल्जियम, बोत्सवाना, इस्टोनिया, जर्मनी, नेपाल, भारत, इन्डोनेसिया, मलेसिया, पोल्याण्ड र दक्षिण अफ्रिकाका सहभागी कलाकारहरूले आ–आफ्नो देशको संस्कृति झल्काउँदै संगीत र नृत्यप्रतिको साझा प्रेम झल्किने झाकी प्रदर्शन गरेको मेला १० लाख भन्दा बढीले प्रत्यक्ष अवलोकन गरेको एभरेष्ट नेपाल कल्चरल ग्रुपको दाबी छ । विगत दुई दशकदेखि प्रत्येक दुई वर्षमा विश्वका विभिन्न देशलाई निमन्त्रणा गरी आयोजना गरिने यस मेला एभरेष्ट नेपाल कल्चरल ग्रुपको आयोजनामा सम्पन्न गरिएको हो ।

उद्घाटन सत्रमा एभरेष्ट नेपाल कल्चरल ग्रुपका संस्थापक अध्यक्ष तथा १२ औं अन्तर्राष्ट्रिय लोक सांस्कृतिक मेला साथमा नेपाल टेलिकमका संयोजक डा. आरसी कोइराला ’रामचन्द्रले भन्नु भयो- 'हामी सबै फरक पृष्ठभूमिबाट आएका छौं, तर नृत्य र सङ्गीतमा हाम्रो साझा लगावले आज हामीलाई यहाँ जोडेको छ' ‘यस्ता सांस्कृतिक आदानप्रदान कार्यक्रमले विभिन्न देशबीचको सम्बन्धलाई अझ प्रगाढ बनाउने’ हाम्रो विश्वास लिएका छौ, कोइरालाले भने ।

१२ औँ अन्तर्राष्ट्रिय लोक सांस्कृतिक मेलाको स्थानीय आयोजक दाङ उद्योग वाणिज्य संघ, नेपाल उद्योग वाणिज्य महासंघ गण्डकी प्रदेश, वज्र कला कुन्ज, लालीगुराँस नेशनल एकेडेमीलाई एभरेष्ट नेपाल कल्चरल ग्रुप हृदय देखी धन्यवाद दिन चाहन्छ साथै नेपाल टेलिकम लगायत बुढानीलकण्ठ नगरपालिका, पोखरा महानगरपालिका, ललितपुर महानगरपालिका, नेपाल संगीत नाट्य एकेडेमी साथै बिभिन्न अन्तर्राष्ट्रिय संघसस्थाहरु बिभिन्न संचारगृहहरु, संचार माध्यमहरु लगायत प्रत्यक्ष वा अप्रत्यक्ष सहयोग गर्नुहुने सम्पूर्ण सहयोगी हातहरुलाई एभरेष्ट नेपाल कल्चरल ग्रुप नमन गर्दछ ।