काठमाडौं, वैशाख ९ ।  रुपन्देहीको दानव नदीमा पौडी खेल्ने क्रममा बेपत्ता भएका दुई बालकहरू मृत फेला परेका छन्। मंगलबार बिहान सशस्त्र प्रहरी बल (एपीएफ) का गोताखोरहरूको टोलीले शवहरू फेला पारेको हो।

मृत भेटिएकाहरुमा १३ वर्षीय उमेश यादव र १२ वर्षीय मुनु हरिजन रहेका छन् । उनीहरू सोमबार लुम्बिनी सांस्कृतिक नगरपालिका-२ नजिकै नदीमा पौडी खेल्ने क्रममा बेपत्ता भएका थिए।

बाँकेस्थित एपीएफ नम्बर ४२ रिजर्भ बटालियनका गोताखोरहरूलाई सोही रात खोजी कार्यको लागि खटाइएको थियो ।