काठमाडौं, असार २९ । काठमाडौं महानगरपालिकाले आज आगामी आर्थिक वर्षको बजेट सार्वजनिक गर्दैछ ।  शुक्रबार बसेको काठमाडौं महानगरपालिकाको कार्यपालिका बैठकले आइतबार दिउँसो नगरसभा गर्ने निर्णय गरेको हो । 

मेयर बालेन्द्र साह (बालेन) ले आज दिनको २ बजे नगरसभा बोलाएका छन् । त्यसअघि बिहान कार्यपालिका बैठक बोलाइएको छ ।

गत शुक्रबार बसेको ४०औं कार्यपालिका बैठकमा मेयर साहले आज बजेट ल्याउन प्रस्ताव गरेका थिए । बजेट सीमा निर्धारण समितिको बैठकले आर्थिक वर्ष २०८२/०८३ का लागि २५ अरबको बजेट सीमा निर्धारण गर्ने निर्णय गरेको छ । बैठकमा नीति कार्यक्रम तथा बजेट प्रस्तुत हुनेछ ।