काठमाडौं, साउन १५ । आज सुनको मूल्य घटेको छ । बुधबार प्रतितोला चौध सय रूपैयाँले बढेको सुनको भाउ आज प्रतितोला आठ सय रूपैयाँ घटेको छ ।

जसअनुसार आज सुन तोलाको एक लाख ९३ हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । बुधबार सुन एक लाख ९४ हजार चार सय रुपैयाँमा कारोबार भएको थियो । 

यस्तै, आज चाँदीको मूल्य पनि घटेको छ । आज चाँदी ४० रुपैयाँले घटेर २ हजार २७० रुपैयाँमा कारोबार भइरहेको महासंघले जनाएको छ । बुधबार चाँदी २ हजार ३१० रुपैयाँमा कारोबार भएको थियो ।