काठमाडौं, भदौ ८ । नेपाली बजारमा आज सुनचाँदीको मुल्य बढेको छ ।

आइतबार छापावाल सुन तोलामा २३ सयले बढेर एक लाख ९७ हजार ५ सयमा कारोबार भएको नेपाल सुनचाँदी व्यवसायी महासङ्घले जनाएकाे छ । यसअघि शुक्रबार सुन तोलाको एक लाख ९५ हजार २ सयमा कारोबार भएको थियो ।

यस्तै, आज चाँदीको मूल्य पनि बढेको छ । महासङ्घका अनुसार आज चाँदी तोलाको ४० रुपैयाँले बढेर २ हजार ३५० कायम भएको छ । यसअघि शुक्रबार चाँदी तोलाको २ हजार ३१० मा कारोबार भएको थियो ।