काठमाडौं, भदौ १३ । काठमाडौंको जडिबुटीमा शुक्रबार बिहान पार्किङ गरिरहेको बसमा स्कुटर ठोक्किदा दुईजनाको मृत्यु भएको छ ।
प्रहरीका अनुसार मृत्यु हुनेहरूमा काभ्रेपलाञ्चोकको पनौती नगरपालिका–२, होक्सेका २३ वर्षीय नितेश नेपाल र नवलपरासी (बर्दघाट सुस्ता पश्चिम) सुन्नवल नगरपालिका–१ का २२ वर्षीय शिरीष पौडेल रहेका छन् ।
उनीहरू दुवैको उपचारको क्रममा नै निधन भएका हो ।
प्रहरीका अनुसार सडकछेउमा पार्किङ गरिएको बा प्र ०१–००६ ख ४२४३ नम्बरको अरनिको यातायातको बसमा लु ४३ प ४९३८ नम्बरको स्कूटर ठोक्किएको थियो । ठक्करबाट स्कूटर चालक र पछाडि सवार व्यक्ति गम्भीर घाइते भएका थिए ।
बस चालक दोलखाका सुवास तामाङलाई नियन्त्रणमा लिएको प्रहरीले जनाएको छ। दुर्घटनापछि दुवैलाई तत्काल ट्रमा सेन्टर लगिएपनि उनीहरुको उपचारका क्रममा मृत्यु भएको प्रहरीले जनाएको छ ।
