काठमाडौं, भदौ ३१ । सुनको भाउले फेरि नयाँ रेकर्ड बनाएको छ । आज सुन तोलामा १९ सय रुपैयाँले बढेर तोलामा रु २ लाख १७ हजार १०० रुपैयाँ पुगेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको २ लाख १५ हजार २०० रुपैयाँमा कारोबार भएको थियो ।   शुक्रबारको तुलनामा आइतबार र सोमबार सुनको भाउ केही घटेको थियो ।

यस्तै, चाँदीको भाउले पनि कीर्तिमान बनाएको छ । आज चाँदीको भाउ २० रुपैयाँले बढेर तोलाको २ हजार ५९५ रुपैयाँ पुगेको छ । हिजो पनि उच्च रेकर्ड राखेको चाँदीको भाउ तोलामा २ हजार ५७५ रुपैयाँमा कारोबार भएको थियो ।