काठमाडौं, असोज २४ । लगातार बढिरहेको सुनको मूल्यमा आज भारी गिरावट आएको छ । नेपाल सुनचाँदी व्यवसायी महासंघका अनुसार आज सुन एकैचाेटी ४ हजार २०० रुपैयाँले घटेको छ ।  

आज छापावाल सुनको मूल्य प्रतितोला २ लाख ३५ हजार रुपैयाँ कायम भएको छ । बिहीबार २ लाख ३९ हजार २०० रुपैयाँमा कारोबार भएको थियो । 

यस्तै,  चाँदीको मूल्य भने बढेको छ । चाँदीको मूल्य ६० रुपैयाँले बढेर प्रतितोला ३ हजार ८५ रुपैयाँ पुगेको छ । हिजो चाँदी तीन हजार २५ रुपैयाँमा कारोबार भएको थियो ।