काठमाडौं, कात्तिक ९ । साताको पहिलो दिन आइतबार आज सुनको मूल्यमा गिरावट आएको छ । आज सुन प्रतितोला ११ हजार ६ सय रूपैयाँले घटेको नेपाल सुनचाँदी व्यवसायी महासंघले जनाएको छ । 

जसअनुसार आज छापावाल सुनको मूल्य आज तोलाको २ लाख ४१ हजार ९०० रुपैयाँ कायम भएको छ । यसअघि कात्तिक ३ गते छापावाल सुन प्रतितोला २ लाख ५३ हजार ५०० रुपैयाँमा कारोबार भएको थियो ।

यस्तै, आज चाँदीको मूल्य पनि तोलामा २ सय ६५ रुपैयाँले घटेको छ । जसअनुसार आज चाँदी प्रतितोला ३ हजार १५ रुपैयाँमा कारोबार भइरहेको महासंघले जनाएको छ ।  गत कात्तिक ३ गते चाँदी प्रतितोला ३ हजार २८० रुपैयाँमा कारोबार भएको थियो ।