काठमाडौं, कात्तिक १७ । राष्ट्रपति रामचन्द्र पौडेल आज कतार भ्रमणमा जाँदैछन् । 

सामाजिक विकासका लागि दोस्रो विश्व शिखर सम्मेलनमा भाग लिन उनी कतार जान लागेका हुन् । सम्मेलन कात्तिक १८ देखि २० गतेसम्म दोहामा हुदैछ ।

कतारका अमिर शेख तमिम बिन हमद अल थानीको निमन्त्रणमा १२ सदस्यीय नेपाली प्रतिनिधिमण्डलको नेतृत्व गर्दै सोमबार त्यहाँ प्रस्थान गर्न लागेको परराष्ट्र मन्त्रालयले जनाएको छ ।