काठमाडौँ, असोज १। विश्वकप लिग टु अन्तर्गत त्रिकोणात्मक सिरिजको जारी खेलमा नेपालले टस हारेर पहिले ब्याटिङको निम्तो पाएको छ ।

नेपालबाट तीब्र गतिका बलर गुल्सन झाले डेब्यु गर्नुभएको छ । उहाँले विक्रम शोबलाई प्रतिस्थापन गर्नुभएको हो । खेल ओमानस्थित अल अमारत क्रिकेट मैदानमा सवा चार बजेबाट सुरु हुनेछ । जारी त्रिकोणात्मक सिरिजमा नेपालले आफ्नो तेस्रो खेलमा अमेरिकासँग दोस्रो र समग्रमा चौथो खेल खेल्दैछ । पहिलो खेलमा अमेरीकालाई ५ विकेटले हराएको नेपालले दोस्रो खेलमा ओमानसँग समान ५ विकेटको हार ब्यहोरेको थियो ।

पहिलो खेलमा अमेरिकालाई हराउँदा नेपाली टिमको बलिङ र ब्याटिङमा मध्यम प्रदर्शन भएको थियो । तर ओमानविरुद्धको खेलमा नेपालले निकै सहज रुपमा हार ब्यहोरेको थियो । पहिलो खेलमा ब्यहोरेको हारको बदला लिने मनसायमा रहेको अमेरिकी टिमका दुई मुख्य खेलाडी घाइते हुनुले पनि उनिहरुलाई केहि घाटा भएको छ । उहाँका उपकप्तान आरोन जोन्स र तिब्रगतिका बलर जेसी सिंह पहिलो खेल अगाडी नै घाइते हुनुभएकाले टिमलाई केहि नोक्सानी भएका थियो ।

यता ओमानविरुद्धको खेलमा पेटको समस्याका कारण बलिङ गर्न नपाउनु भएका सन्दिप लामिछाने पनि  खेलमा पुर्ण फिट भएर उत्रिनुहुनेछ । यसअघिका तीनै खेलमा नेपालले जित निकालेको छ ।