काठमाडौं, असोज ३ ।  इटालीको सिरी ए मा शनिबार भएको खेलमा इन्टर मिलानले बोलोग्नालाई ६–१ ले हराएको छ । इन्टरका लागि  एडिन जेकोले दुई गोल गर्नुभएको थियो।  इन्टरका लागि जेकोले ६३औं र ६८औं मिनेटमा गोल गर्नु भएको थियो  । त्यसअघि लाउटारो मार्टिनेजले छैटौं, मिलान स्क्रिनरले ३०औं, निकोलस बरेलाले ३४औं र माटियास भेसिनोले ५४औं मिनेटमा गोल गर्नु भएको थियो ।

बोलोग्नाका लागि ८६औं मिनेटमा आर्थर थियटेले सान्त्वना गोल फर्काउनु भयो।
टिमका प्रमुख खेलाडी रोमेलु लुकाकुलाई गुमाएको इन्टरले प्रशिक्षक सिमोन इन्जाघीको नेतृत्वमा आफ्नो सुखद सुरुआत कायम राखेको छ । इन्टर अंक तालिकाको शीर्ष स्थानमा छ ।

इन्टरको चार खेलबाट १० अंक भएको छ । सुरुआती चार खेलमा १६ गोल गरेको इन्टरले सन् १९६०–१९६१ यता सबैभन्दा उत्कृष्ट सुरुआत लिएको छ ।