काठमाडौं, पुस १९।  अब दराज अनलाइनबाट मगाएको सामान फिर्ता गर्नुपरे हुलाक सेवा प्रयोग गर्न सकिने भएको छ । यसका लागि हुलाक सेवा विभाग र दराज नेपालबीच सम्झौता भएको छ ।

हुलाकलाई समयानुकूल र सन्दर्भिक बनाउने तथा व्यावसायिक दायरा विस्तार गर्ने उदेश्यका साथ हुलाक सेवा विभागले हालै अनलाइन रिटेलर ‘दराज नेपाल’सँग ई-कमर्स सम्बन्धी सम्झौता गरेको हो ।

सम्झौता अनुसार दराजबाट अनलाइन खरिद गरी डेलिभरी भएका सामान ग्राहकले फिर्ता गर्नुपर्ने अवस्थामा गोश्वारा हुलाक कार्यालय मार्फत फिर्ता गर्न सकिनेछ ।

यो सेवा पहिलो चरणमा काठमाडौंका ३ स्थान बबरमहल, महाराजगञ्ज र ठमेलमा संकलन केन्द्रमा उपलब्ध हुने बताइएको छ । अन्य संघnसंस्थासँग पनि वस्तु ढुवानी गर्ने सम्बन्धमा छलफल भइरहेको विभागले जनाएको छ ।