एसियाली खेलकुदमा पदक जित्ने खेलाडीलाई बक्सिङ महासङ्घले नगद पुरस्कार सहित सम्मान गर्ने
बैठकले सातै प्रदेश र विभिन्न जिल्लाबाट सङ्कलन गरी भदौ महिना भित्र वार्षिक क्यालेन्डर समेत प्रकाशन गर्ने निर्णय पनि गरेको छ
काठमाडौं, साउन १५ । नेपाल बक्सिङ महासङ्घले एसियाली खेलकुदमा पदक जित्ने खेलाडीलाई नगद पुरस्कार सहित सम्मान गर्ने घोषणा गरेको छ ।
महासङ्घको नवनिर्वाचित कार्यसमिति बैठकले एसियन गेम्समा पदक जित्ने खेलाडी नगद पुरस्कार सहित सम्मान गर्ने घोषणा गरेको हो ।
बैठकले चीनमा हुने एसियन गेम्समा स्वर्ण पदक जित्ने खेलाडीलाई जनही १० लाख, रजत जित्नेलाई ५ लाख र काँस्य पदक जित्ने खेलाडीलाई २ लाख ५० हजार रुपैयाँ नगद पुरस्कार दिने निर्णय गरिएको हो ।
यस्तै, बैठकले सातै प्रदेश र विभिन्न जिल्लाबाट सङ्कलन गरी भदौ महिना भित्र वार्षिक क्यालेन्डर समेत प्रकाशन गर्ने निर्णय पनि गरेको छ ।
प्रकाशित मिति: सोमबार, साउन १५, २०८० १२:०१
प्रतिक्रिया दिनुहोस्
साताको लोकप्रीय
