चिन, असार ११ । प्रकृतिले भाले र पोथीलाई आ-आफ्नो जिम्मेवारी र विशेषता दिएको छ तर विज्ञानले प्रकृतिका ति नियमलार्ई अझ सुक्ष्म अध्ययन गरी नयाँ नयाँ रहस्य खुलाउदै आएको छ । चिनका वैज्ञानिकको नयाँ खोजले बच्चा जन्माउन पोथीको शरीर जत्तिकै भालेको शरीर पनि सक्षम रहेको पुष्टि गरेको छ । लामो समय अध्ययन अनुसन्धान गरी चिनका वैज्ञानिकले भालेको शरीरमा पनि गर्भधारण गराइ बच्चा जन्माउन सफल भएका छन् ।
चिनले आर्थिक तथा बैज्ञानिक दुबै क्षेत्रमा संसारलाई चकित बनाउदैछ । चिनले ब्यापार व्यवसायसँगै विज्ञानको क्षेत्रमा पनि चमत्कार गर्ने कोशीस गरेको छ । चिनको ब्यापारीक केन्द्र शांघाईको नोभेल मेडिकल यूनिभर्सिटीका शोधकर्ताले भाले मुसालाई गर्भधारण गराई अभुतपूर्व सफलता हासिल गरेका छन् ।
‘द सन’ मा प्रकाशित रिपोर्ट अनुसार चिनका वैज्ञानिकले भाले मुसामा पोथी मुसाको पाठेघर प्रत्यारोपण गरी गर्भधारण गराएका थिए । सामान्य पोथीलाई जस्तै एक्काइस दिन गर्भभारण गराई अप्रेसन गरी भाले मुसाबाट बच्चा जन्माइएको थियो । वैज्ञानिकहरुका अनुसार अन्य सामान्य मुसाका बच्चा जस्तै भालेबाट जन्माइएका मुसा पनि स्वस्थ हुनुका साथै पुरा आयु बाँचेका थिए ।
उक्त रिपोर्टमा चिनका वैज्ञानिकले यो एउटा मोडेलको रुपमा परिक्षण गरी सफल भएको र अरु स्तनधारी प्राणीका भालेमा पनि यस प्रकारले भ्रुणको विकास गर्न सकिने दाबी गरेका छन् । चिनिया वैज्ञानिकले यो सफलताले जिव विज्ञानको खोज अनुसन्धानमा महत्वपूर्ण योगदान गर्ने विश्वास ब्यक्त गरेका छन् ।
तर अमेरिकी पशुअधिकारबादी संस्था पुपिल फर द इथिकल ट्रिटमेंट अफ एनिमल्स (पेटा) की बरिष्ठ निति सल्लाहकार एमिली मैकवरले मुसालाई फोहोरमा फालिएको बस्तु जस्तै प्रयोग गरी उसको प्राकृतिक अधिकार हनन् गरेको भन्दै चिनियाँ कदमको आलोचना गर्नूभएको छ । साथै उनले चिनियाँहरुको यो खोजले सामान्य चासो बढाएपनि मानव प्रजनन प्रणालीमा यस अनुसन्धानले खासै योगदान नगर्ने बताउनुभयो ।
