काभ्रेपलाञ्चोक, वैशाख २८ । काभ्रेको पाँचखाल नगरपालिका वडा नं ४ मेलम्ची जिरोकिलो सडक खण्डस्थित बिराजे खोल्चा जङ्गलमा एक पुरुषको शव फेला परेको छ ।

जिरोकिलो–मेलम्ची सडकखण्डबाट करिब ५० मिटर तल खोल्सामा मुखमा र छातीमा फलामे तारले बाँधेर रुखमा बाँधी आगो लगाइएको अवस्थामा उक्त शव फेला परेको जिल्ला प्रहरी कार्यालय धुलिखेलले जनाएको छ । उक्त शवको छाती, खुट्टा र मुखमा तारले बाधिएको छ । करिब २५ वर्षको उमेरका जस्ता देखिने शवको पहिचान हुन सकेको छैन ।

शवको प्रकृति हेर्दा घटना १५/१६ दिन अघि भएको हुन सक्ने अनुमान गरिएको छ । घटनास्थलमा कुकुरसहित प्रहरीको अनुसन्धान टोली परिचालन गरिएको छ ।