नयाँ दिल्ली, जेठ ८ । नयाँ दिल्लीबाट श्रीनगरका लागि उडान गरिरहेको इन्डिगोको उडानमा बुधबार खराब मौसमका कारण उडान हावामै हल्लिन थालेपछि त्रास फैलियो । यद्यपि, पाइलटले बुद्धिमानीपूर्वक परिस्थिति नियन्त्रण गरे र श्रीनगर विमानस्थलमा सुरक्षित आपतकालीन अवतरण गरे ।  विमानमा २२७ यात्रु सवार थिए ।  विमानको अगाडिको भाग (नोज कोन) मा ठूलो क्षति पुगेको छ ।

विमानले श्रीनगर नजिक पुग्दा अचानक मौसम बिग्रिएपछि पाइलटले आपतकालीन अवस्था घोषणा गरेका थिए । सबै यात्रुहरू सुरक्षित थिए, र विमानलाई निरीक्षण तथा मर्मतका लागि ग्राउन्ड गरिएको छ ।

यस घटनाको भिडियोहरू सामाजिक सञ्जालमा साझा गरिएको छ, जसमा यात्रुहरू डरले चिच्याइरहेका र विमान हल्लिरहेको देखिन्छ । इन्डिगोले यात्रुहरू पूर्ण रूपमा सुरक्षित रहेको र उनीहरूको स्वास्थ्य पनि ठिक रहेको बताएको छ।