बैंकक, जेठ ३० । थाईल्यान्डको फुकेट इन्टरनेशनल एयरपोर्टमा एयर इन्डियाको एउटा विमान आपत्‌कालीन अवतरण गरिएको छ । शुक्रबार फुकेटबाट नयाँ दिल्ली जाँदै गरेकाे विमान बमको धम्की पछि आपतकालीन अवतरण गरिएकाे हाे ।  

एयर इन्डियाको फ्लाइट AI 379 विमानमा १५६ जना यात्रु सवार थिए, तर टेकअफ गरेपछि बमको धम्की प्राप्त भयो । त्यसपछि फ्लाइट अण्डमान सागर वरिपरि चक्कर लगाउँदै फर्कियो र आपतकालीन अवतरण गराइयो। AOT (एयरपोर्ट अफ थाईल्यान्ड) का अनुसार हालसम्म बमको धम्कीको पुष्टि गरिएको छैन।

फुकेट एयरपोर्टका एक अधिकारीले बताए अनुसार आपतकालीन अवतरणपछि यात्रुहरूलाई विमानबाट बाहिर निकालिएको छ र सबैजना सुरक्षित छन्।