काठमाडौं, असार १० ।  नेपालमा कोरोनाभाइरसको नयाँ भेरियन्टका कारण एक महिलाको मृत्यु भएको छ । नयाँ भेरियन्टबाट मृत्यु हुने उनी पहिलो नेपाली हुन् । उनको मंगलबार बिहान विराटनगरस्थित नोबेल मेडिकल कलेजमा उपचारको क्रममा मृत्यु भएको हो ।

मृतक इलामको सूर्योदय नगरपालिकाकी बासिन्दा थिइन् ।  करिब एक हप्तादेखि श्वासप्रश्वासमा समस्या देखिएपछि उनलाई सोमबार अस्पताल भर्ना गरिएको थियो। उपचारको क्रममा बिहान ६ बजे उनको मृत्यु भएको डाक्टरहरूले पुष्टि गरे।

हाल झापाका चार, मोरङका दुई र इलामका एक गरी सात अन्य व्यक्तिहरू एउटै भेरियन्टको उपचार गराइरहेका छन् ।