काठमाडौं, साउन ९ । पूर्वराष्ट्रपति विद्यादेवी भण्डारीले आज पत्रकार सम्मेलन गर्ने भएकी छन् । भण्डारीले दिउँसो ३ बजे बबरमहलस्थित कार्की बैंकिटमा विशेष पत्रकार सम्मेलन आयोजना लागेकी हुन् ।

भण्डारीको आजको पत्रकार सम्मेलनलाई अर्थपूर्ण रुपमा लिइएको छ । नेकपा एमालेको सक्रिय राजनीतिमा फर्किएको घोषणा गरेकी भण्डारीलाई केन्द्रीय कमिटी बैठकले राजनीतिमा फर्कन नदिने निर्णय गरेपछि उनले पत्रकार सम्मेलन गर्न लागेकी हुन् ।

पूर्व राष्ट्रपति भइसकेको व्यक्ति सक्रिय राजनीतिमा फर्किन अशोभनीय हुने भन्दै रोक लगाएको छ ।  पूर्व राष्ट्रपति भण्डारीले भने आफू पछाडि नहट्ने बताइसकेकी छन् ।