काठमाडौं, साउन १६ ।  अब सवारी चालक अनुमतिपत्र (लाइसेन्स)को अवधि १० वर्षको हुने भएको छ ।

 सरकारले केही नेपाल ऐन संशोधन गर्न बनेको विधेयक राजपत्रमा प्रकाशित गरेसँगै यातायात व्यवस्थापन ऐन, २०४९ अन्तर्गत विद्यमान पाँच वर्षे प्रावधानलाई आधिकारिक रूपमा दश वर्ष पुर्‍याइएको हो ।  ऐनको दफा ५४ को उपदफा ३ मा लाइसेन्स बहाल हुने अवधिबारे उल्लेख छ ।

यसअघि सवारी लाइसेन्सको बहाल अवधि ५ वर्षको हुन्थ्यो । संशोधित व्यवस्थाअनुसार अब नयाँ जारी गरिएका र नवीकरण गरिएका दुवै लाइसेन्स अब १० वर्षको लागि मान्य हुनेछन् ।