काठमाडौं, असोज ३ । जेनजी आन्दोलनका क्रममा सिंहदरबार परिसरभित्र आगजनी गरिएका सवारीसाधनहरू हटाउन सुरु गरिएको छ ।

आन्दोलनका क्रममा विभिन्न मन्त्रालय र सरकारी कार्यालयमा क्षतिग्रस्त भएका सयौँ सवारीसाधन सिंहदरबारबाट निकालेर नयाँबानेश्वरस्थित विरेन्द्र अन्तर्राष्ट्रिय सम्मेलन केन्द्र परिसरभित्र राखिनेछ ।

हाल ऊर्जा, जलस्रोत तथा सिँचाइ मन्त्रालय परिसरमा जलेका सवारी साधनहरू क्रेनको सहायताले हटाउने काम भइरहेको मन्त्रालय स्रोतले जनाएको छ । केही दिनभित्रै सिंहदरबारभित्र रहेका सबै जलेका सवारी साधन हटाइसकिनेछ ।