काठमाडौं, असोज २८ । बुद्ध एयरका सञ्चालक वीरेन्द्रबहादुर बस्नेतसहितको समूहले नयाँ पार्टी  ‘गतिशील लोकतान्त्रिक पार्टी’ दर्ता गरेको छ । नयाँ राजनीतिक शक्ति, गतिशील लोकतान्त्रिक पार्टी, आधिकारिक रूपमा बिहीबार निर्वाचन दर्ता भएको हो । 

पार्टीका अध्यक्ष समाजशास्त्री र उद्यमी डा.दिनेश प्रसाई छन, उनी पोखरास्थित होटल जलमहलका कार्यकारी निर्देशक हुन् । अध्यक्ष प्रसाईसँगै, पार्टीको नेतृत्वमा महासचिवको रूपमा पियुष कायस्थ र केन्द्रीय सदस्यको रूपमा बुद्ध एयरका निर्देशक वीरेन्द्र बहादुर बस्नेत समावेश छन् । 

युरोपेली संघसँग धेरै वर्ष काम गरिसकेका पियुष कायस्थलाई महासचिवमा नियुक्त गरिएको छ । बस्नेत आफैंले केन्द्रीय कार्यसमिति सदस्यको रूपमा काम गर्नेछन् । पार्टीको नेतृत्वमा भने बस्नेतले प्रसाईंलाई अघि सारेका छन् ।  ‘गतिशील लोकतान्त्रिक पार्टीले ‘सबै मिलौँ, देश बचाऔँ, देश बनाऔँ’ भन्ने मूल नारा अघि सारेको छ ।

वीरेन्द्र बहादुर बस्नेत बुद्ध एयरलाई नेपालको उड्डयन उद्योगको शीर्ष स्थानमा पुर्‍याउने व्यक्ति हुन् । जनजाति आन्दोलनपछिको युगमा नयाँ राजनीतिक विकल्पको रूपमा उदाइरहेको गतिशील लोकतान्त्रिक पार्टीले परम्परागत राजनीतिक दलहरू विरुद्ध नयाँ विकल्प प्रदान गर्ने लक्ष्य राखेको छ ।