Kath Khabar
गायिका अपेक्षा गिरीको मार्मिक गीत ’निष्ठुरी प्रदेशी’


काठमाडौं, असोज २५ । गायिका अपेक्षा गिरीको नया गीत ’निष्ठुरी प्रदेशी’ को भिडियो सार्वजनिक गरिएको छ । अर्जुन पोखरेलको संगीत रहेको ’निष्ठुरी प्रदेशी’को शब्द गायिका अपेक्षा गिरीले नै लेख्नुुभएको हो । गीतमा एरेन्ज पुरुशितम सुबेदीको रहेको छ ।

निकै मार्मिक गीत ’निष्ठुरी प्रदेशी’ को भिडियोमा चिरन्जिबी सापकोटा (जीबि चिरन) र गरिमा शर्मा अभिनय रहेको छ । भारतीय सेनामा गएका आफ्नो श्रीमानको घर आउने बाटो हेरेर बसेकी श्रीमतीको कथामा निकै उत्कृष्ट भिडियो निर्माण गरिएको छ । घर आउने श्रीमानको बाटो हेरेर बसेकी श्रीमतीले श्रीमानको लाश आउदाको पिडा भिडियो मार्फत प्रस्तुत गरिएको छ ।

गीतको भिडियोलाई सिर्जन बराल (ऋषि) निर्देशन गर्नुभएको हो । अपेक्षा गिरीको ‘अफिसियल यूट्यूव’ बाट सार्वजनिक गीतको भिडियोमा शिवशरण न्यौपानेको छायांकन र अमृत चापागाईंको सम्पादन रहेको छ ।

मोफसलमा बसेर गीत संगीतमा राम्रै चर्चा कमाउन सफल गायिका अपेक्षा गिरीको यस अघि सुनिल गिरिसग ’सोल्टिनी’ र टंक तिमिल्सिना माया नमार्नु नि है जस्ता सफल गीत सार्वजनिक भईसकेको छ ।

 

प्रकाशित मिति: सोमबार, असोज २५, २०७८  १३:५१
प्रतिक्रिया दिनुहोस्
Weather Update