Kath Khabar
यथार्थ घटनामा बन्यो रामकृष्ण र अस्मिताको नयाँ गीत 

काठमाडौ, चैत २९
थालिस्मिया रोगबारे जनचेतना जगाउने उदेश्यले बास्तविक कथामा आधारित गीत सोचे भन्दा फरक संसार दर्शकमाझ आएको हो । काठमाडौंमा एक समारोहबीच यो गीतको भिडियो सार्वजनिक गरिएको छ । १७ वर्ष थालिस्मिया रोगबाट आफ्नो छोरीको उपचारका लागि छोरा जन्माएर छोरीलाई बोनम्यारो प्रत्यारोपन गराई बचाउन सफल बुबा राजु केसीले यो गीत लेख्नुुभएको हो । 
यो गीतलाई रामकृष्ण ढकाल र अधिकारीले गाउनुभएको छ । गीतको भिडियोमा रामकृष्णले थालिस्मिया रोग पीडित रोजिना खत्रीका पिता राजुको भूमिका निर्वाह गर्नुभएको छ । आफ्नो भाई जन्मेपछि भाईबाट बोनम्यारो प्रत्यरोपण गराएर १७ वर्षलामो थालिस्मिया रोगबाट हालै मुक्त भएकी रोजिनाको बास्तविक कथा यो गीतमा शब्द र भिडियोबाट प्रस्तुत गरिएको छ । 
यो गीतको भिडियोमा रामकृष्णसँगै अस्मिता अधिकारी, नया खत्री, जोहन खत्री, शम्भुजित बासकोटा, कृष्ण मल्ल, शर्मिला मल्ल, सन्तोष पन्त, निर्मल शर्मा, जीतु नेपाल, कर्ण शाक्य, पुष्कर शाह, अरुणेश्वर खनाललगायतले यसमा अभिनय गर्नुभएको छ । भिडियो लोकार्पण समारोहमा गीतकार राजु केसीले थालिस्मिया रोगबाट छोरी ग्रस्त भएपछि १७ वर्षसम्म छोरीको उपचारमा भोगेको पीडाबारे जानकारी गराए । यही रोगको बारेमा जानकारी दिन सोचे भन्दा फरक संसार गीत तयार गरेर भिडियो ल्याएको बताउनुभयो ।
लामो समय अमेरिका बसेर आएकी रोजिनाले आफु पूर्ण निको हुने लाखौंमा एक भएको जानकारी गराउनुभयो । उहाँले अब नेपाल नै बसेर थालिस्मिया रोगीको सेवा गर्ने बताउनभो । उहाँ अहिले पढ्दै हुनुहुन्छ  । यस्तै पूर्वमन्त्री हिसिया यामी, व्यबसायी तथा लेखक कर्ण शाक्य, जेसिआई नेपालका अध्यक्ष अरुणेश्वर खनाललगायतले कार्यक्रममा थालिस्मिया रोगको बारे प्रकाश पार्दै यो रोगलाई जित्न सफल रोजिना खत्रीलाई दीर्घजीवनको कामना गर्नुभयो । 
आइरिय मिडियाले निर्माण गरेको यो भिडियोलाई अशोक भुजेलले निर्देशन गर्नुभएको हो । इश्वर सिन्केमान र बिनय तामाँगले खिचेको यो भिडियोलाई आईरिस मिडियाबाट रिलिज गरिएको छ । 
 

प्रकाशित मिति: आइतबार, चैत २९, २०७७  २३:५७
प्रतिक्रिया दिनुहोस्
Weather Update