इटली, फागुन १४ ।  इटलीको दक्षिणी क्षेत्रमा आप्रवासी कामदार बोकेको डुङ्गा डुबेको छ । यसमा ठूलो संख्यामा मानिसको ज्यान गएको हुनसक्ने सम्भावना छ ।

इटलीबाट आएको मिडिया रिपोर्टले घटनामा मारिएका कम्तीमा २७ जनाको शव निकालिएको जनाएको छ ।

यसमा क्यालाब्रियाको क्रोटोन शहरको समुद्री तटबाट बरामद गरिएका शवहरू समावेश छन्। त्यहाँ प्रशासनले खोजी तथा उद्धार कार्य गरिरहेको छ ।

एक स्थानीय समाचार एजेन्सीले आफ्नो रिपोर्टमा आप्रवासी कामदारले भरिएको डुङ्गा समुद्रको बीचमा २ टुक्रा भएको बताएको छ । घटनाको विवरण आउन बाँकी छ ।