काठमाडौं, फागुन १३ । सोशल मिडिया प्लेटफर्म एक्सका मालिक एलोन मस्कले 'एक्समेल' लन्च गर्ने घोषणा गरेका छन् ।

यो घोषणासँगै विश्वको सबैभन्दा लोकप्रिय माइक्रो ब्लगिङ प्लेटफर्म एक्स (ट्विटर) ले इमेल सेवाको सम्बन्धमा गुगलसँग प्रतिस्पर्धा गर्न लागेको एलोन मस्कले संकेत गरेका छन् ।

हालै सामाजिक सञ्जालमा जिमेल बन्द भएको हल्ला चलेको थियो । मस्कले जिमेल सेवा बन्द भएको झुटा समाचार भाइरल भइरहेको बेला ‘एक्समेल’ लन्च गर्ने घोषणा गरेका हुन् । तर जिमेलले भने यो कुरा अस्वीकार गरेको छ।

एक्स को इमेल सर्भिसको बारेमा विगत केही सातादेखि चर्चा भइरहेको थियो । एलोन मस्कले आफ्नो आधिकारिक पेजमा लेखेका छन्, "अब एक्सको इमेल सेवा कस्तो हुनेछ त्यो हेर्न बाँकी छ, किनकि हामीले एक्सको माइक्रो ब्लगिङ सेवामा धेरै सशुल्क सेवाहरू देखेका छौं । धेरै रोचक हुनेछ कि ईमेल सेवामा पनि कुनै सशुल्क सेवा हुनेछ कि छैन।

एक हिसाबले 'एक्समेल' यो गुगलको जिमेलको विकल्प हुनेछ । एलोन मस्कसँग विगतका घटनाहरू हेर्दा, यो विश्वास गर्न सकिन्छ कि उनी वास्तवमै जिमेलको विकल्पको साथ आउँदैछन् । विगतमा पनि मस्कले मौन जवाफमार्फत धेरै ठूला कुराको संकेत दिँदै र गर्दै आएका छन् ।

सामाजिक सञ्जालमा आफ्नो सम्भावित प्रतिद्वन्द्वीको चर्चा देखेर गुगलको जिमेलले पनि आफ्नो मौनता तोड्दै एलोन मस्कलाई केही इशारामा जवाफ दिएको छ । जिमेलले एलोन मस्कको आफ्नै एक्स प्लेटफर्ममा लेखेको छ - ‘Gmail is here to stay’