गए रातिको वर्षासँगै बाढीले मेलम्ची-हेलम्बु सडक अवरुद्ध
गए राती भारी वर्षा हुँदा हेलम्बुका ग्याल्थुम लगायत क्षेत्रका बासिन्दा घर बाहिर बस्न बाध्य भएका थिए
सिन्धुपाल्चोक, साउन ५। गए रातिको वर्षासँगै आएको बाढीले मेलम्ची-हेलम्बु सडकखण्डको ठाउँ-ठाउँमा बाटो बगाउँदा यातायात सेवा अवरुद्ध भएको छ । बाढीले हेलम्बुको चनौटेमा गत वर्षको बाढीपछि बनाइएको सडक क्षतविक्षत बनेको स्थानीय बलसित खड्काले जानकारी दिनुभयो ।
यस्तै हेलम्बुको ढुङ्गे बजार र मेलम्चीको सीम खेतमा पनि सडक अवरुद्ध भएको मेलम्चीका श्याममणि चालिसेले बताउनुभयो । गए राती भारी वर्षा हुँदा हेलम्बुका ग्याल्थुम लगायत क्षेत्रका बासिन्दा घर बाहिर बस्न बाध्य भएका थिए ।
गए राति सिन्धुपाल्चोकको मेलम्ची खोलास्थित नाकोते र आसपासमा भारी वर्षा भएको थियो । जलसतह बढेपछि मेलम्चीको तटीय क्षेत्रमा बाढी तथा भिरालो जमिन भएको ठाउँमा पहिरो जानसक्ने भएकाले सतर्कता अपनाउन स्थानीय प्रशासनले आग्रह गरेको छ ।
प्रकाशित मिति: बिहीबार, साउन ५, २०७९ १०:४०
प्रतिक्रिया दिनुहोस्
थप समाज दर्पण
साताको लोकप्रीय
