काठमाडौं, पुस १४ । नेपाली राष्ट्रिय टिमका पूर्वकप्तान सन्दीप लामिछानेको आज पुनरावेदनमा पेसी परेको छ । उच्च अदालत पाटनमा आजका लागि पेशी तोकिएको हो ।

पाटन उच्च अदालतमा हुने पेसीमा आज नै बहस र फैसला हुनसक्ने सम्भावना रहेको सन्दीप पक्षका वकिलहरुको भनाइ छ । यसअघि गत ७ पुसका लागि पेशी तोकिएको थियो। तर सर्वोच्च बारको अधिवेशनमा वरिष्ठ अधिवक्ताहरु व्यस्त भएपछि उक्त दिनको पेसी स्थगित भएको थियो ।

गत पुष १२ गते बलात्कारको आरोप लगाएर जाहेरी दिने किशोरीको उमेर उनी जन्मेको अस्पतालबाट झिकाउन काठमाडौं जिल्ला अदालतले आदेश दिएको थियो। अदालतले त्यसबारेमा सम्बन्धित कार्यालयबाट प्रमाण समेत झिकाइसकेको वकिलहरुको भनाइ छ।