विनयी खोलामा यसरी पल्टियो यात्रुवाहक बस
काठमाडौं, असार ६ । पूर्व-पश्चिम राजमार्गको नारायणघाट-बुटवल खण्डको नवलपरासी पूर्वको विनयी खोलामा एक्कासी खोलाको बहाव बढ्दा डाइभर्सनको बिच भागमा यात्रुबाहक बस फसेपछि नेपाल प्रहरी अन्य सुरक्षा निकाय र स्थानीयको सहयोगमा एक्जाभेटर प्रयोग गरी उक्त बसमा सवार यात्रुको उद्दार गरिएको छ ।
काठमाडौँबाट नेपालगञ्ज जाँदै गरेको भे १ ख ४०८५ नम्बरको बस गएराति १२ बजेतिर नदीमाथि बनेको नयाँ डाइभर्सन पार गर्ने क्रममा बगाएको प्रहरीले जनाएको छ । उक्त बसमा सवार तीन शिशुसहित ३८ यात्रुको उद्दार गरिएको हो ।
नदीमा कति सामान बग्यो भन्ने अझै पुष्टि भएको छैन । वर्षा भइरहेकाले बस नदीबाट निकाल्न नसकेको प्रहरीले जनाएको छ ।
प्रकाशित मिति: शुक्रबार, असार ६, २०८२ १३:३५
प्रतिक्रिया दिनुहोस्
साताको लोकप्रीय
