धादिङ, असार २४ । धादिङको त्रिशूली नदीका छुट्टाछुट्टै स्थानमा दुई जनाको शव फेला परेको छ । 

गजुरी गाउँपालिका–६, बेल्खु स्थित त्रिशुली नदी किनारमा अन्दाजी ३५/३६ वर्षका पुरुषको शव फेला परेको जिल्ला प्रहरी कार्यालय धादिङले जनाएको छ ।  त्यस्तै, गल्छी गाउँपालिका–२ केउरेनीटारस्थित त्रिशूली नदी किनारमा अन्दाजी ३५/४० वर्ष उमेरका अर्को पुरुषको पनि शव भेटिएको छ ।  दुवैको पहिचान खुल्न बाँकी छ ।

रसुवास्थित भोटेकोसी नदीमा आएको बाढीले शव बगाएर ल्याएको हुनसक्ने प्रहरीले जनाएको छ । तर पुष्टि हुन भने बाँकी रहेको छ ।  घटनाबारे अध्ययन गर्न प्रहरी टोली घटनास्थल पुगेको छ ।