आकस्मिकबाहेकका सेवा बन्द गर्दै चिकित्सकहरूको माइतीघरमा प्रदर्शन
काठमाडौं, असार २४ । नेपाल चिकित्सक सङ्घको नेतृत्वमा चिकित्सक तथा स्वास्थ्यकर्मीहरुले आकस्मिकबाहेकका सम्पूर्ण सेवा बहिष्कार गर्दै मंगलबार काठमाडौंको माइतीघरमा विरोध प्रदर्शन गरेका छन् ।
चिकित्सकीय लापरबाहीको आरोपमा उपभोक्ता अदालतले क्षतिपूर्ति तिर्न आदेश दिएपछि सोमवारदेखि चिकित्सकहरूले इमर्जेन्सीबाहेकका सबै सेवा ठप्प पारी आन्दोलनमा उत्रिएका हुन् ।
सरकारले आफ्ना मागहरू सम्बोधन नगरेसम्म विरोध जारी राख्ने बताएको छ । सेवा बहिष्कारमा सरकारीलगायत निजी अस्पताल तथा ‘क्लिनिक’ले पनि ऐक्यबद्धता जनाएका छन् । अस्पतालहरुले सेवा बन्द गर्दा वीर अस्पताल लगायत अस्पतालहरूमा बिरामीहरू फर्कनुपरेको छ ।
बिरामीको उपचारमा लापरबाही गरेको भन्दै उपभोक्ता अदालतले पछिल्लो समय केही अस्पताललाई क्षतिपूर्ति तिराउने फैसला गरेको थियो ।
प्रकाशित मिति: मंगलबार, असार २४, २०८२ १६:१२
प्रतिक्रिया दिनुहोस्
साताको लोकप्रीय
