बालकोटस्थित प्रधानमन्त्री ओलीको घरमा पनि आगजनी, प्रहरीले गोली चलाउदा एक घाइते
काठमाडौं, भदौ २४ । प्रधाननमन्त्री केपी शर्मा ओलीको बालकोटस्थित निवासमा आगजनी भएको छ ।
प्रत्यक्षदर्शीका अनुसार तोडफोड गर्ने क्रममा प्रहरीले गोली चलाएको छ । प्रहरीको गोली लागेर एक जना घाइते भएका छन् । ओलीको झापास्थित घरमा पनि प्रदर्शनकारीहरूले आगजनी गरेको खबर आएको छ ।
यस्तै, बानियाँटार स्थित राष्ट्रपति रामचन्द्र पौडेलको घर पनि तोडफोड र आगजनी भएको छ ।
जेनजीहरूले गरेको प्रदर्शनको दोस्रो दिन प्रदर्शनकारीहरूले राजनीतिक दलका नेताहरूको निजी निवास र सरकारी कार्यालयहरूलाई निशाना बनाइरहेका छन् । सरकारले अधिकांश मुख्य शहरहरूमा कर्फ्यु आदेश जारी गरे पनि प्रदर्शनकारीहरूले त्यसको बेवास्ता गर्दै सडकमा उत्रिएका छन् । उनीहरूमाथि गरिएको गोली प्रहारको विरोधमा आगजनी र तोडफोडका घटनाहरू बढेका छन् ।
प्रकाशित मिति: मंगलबार, भदौ २४, २०८२ १३:५२
प्रतिक्रिया दिनुहोस्
साताको लोकप्रीय
