हेटौँडामा ट्रक र बस ठोक्किँदा दुई जनाको ज्यान गयो, १८ जना घाइते
मकवानपुर, कार्तिक २४ । हेटौँडा उपमहानगरपालिका वडा नम्बर–११ नवलपुरमा ट्रक र बस ठोक्किँदा दुई जनाको ज्यान गएको छ। बसमा यात्रा गर्ने १८ जना घाइते भएका छन् ।
गएराति साढे १२ बजे जनकपुरबाट काठमाण्डौका लागि छुटेको ना ७ ख ८७६ नम्बरको बस र चितवनबाट हेटौँडाका लागि छुटेको प्रदेश २–०३००१ ख ५०३५ नम्बरको ट्रक ठोक्किएका प्रहरीले जनाएको छ । दुर्घटनामा दुई जना पुरुषको ज्यान गएको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले बताउनुभयो ।
उनीहरुको उपचारका क्रममा ज्यान गएको हो । ज्यान गुमाएकाहरुको परिचय भने खुलेको छैन । घाइते भएकाको हेटौँडाको विभिन्न अस्पतालमा उपचार भइरहेको छ । ट्रक चालक पनि घाइते छन् । प्रहरी निगरानीमा उनको उपचार भइरहेको डीएसपी रिमालले बताउनुभयो ।
प्रकाशित मिति: बुधबार, कात्तिक २४, २०७८ ०९:१४
प्रतिक्रिया दिनुहोस्
थप समाज दर्पण
साताको लोकप्रीय
