बैतडी, मंसिर २६। जङ्गली भालुको आक्रमणबाट जिल्लाका दुई जना गम्भीर घाइते हुनुभएको छ । घाइते हुनेमा  पञ्चेश्वर गाउँपालिका– ५ नेटाका ३२ वर्षीय महेशराम भुल र सोही ठाउँका ४० वर्षीया कमला चन्द  हुनुहुन्छ।  

शनिबार दिउँसो घर नजिकैका जङ्गलमा घाँस काट्न गएका बेला उहाँहरुलाई भालुले आक्रमण गरेको जिल्ला प्रहरी कार्यालयका प्रहरी प्रवक्ता बोधराज ओझाले जानकारी दिनुभयो ।  घाइतेको जिल्ला अस्पतालमा उपचार भइरहेको छ ।

(रासस)