Kath Khabar
अन्तरजातीय विवाहपछि बेपत्ता भएका हुम्लाका चन्द्रे कामी भेटिए


सिमकोट, पुस ७। अन्तरजातीय विवाह गरेपछि बेपत्ता भएका कामी खार्पुनाथ गाउँपालिकामा फेला पर्नुभएको छ। उहाँलाई खार्पुनाथमा हिँडिरहेको अवस्थामा प्रहरीले फेला पारेको हो । उहाँ सकुशल रहेको प्रहरीले जनाएको छ ।

सर्केगाड गाउँपालिका-१ जैर गाउँका कामीले गत मंसिर ५ गते मुगुको सोरु गाउँपालिका-४ की रमिला मल्ललाई भगाउनुभएको थियो। कर्णाली प्रदेशका प्रवक्ता एसपी माधव श्रेष्ठले दिएको जानकारीअनुसार उहाँ आज बिहान सम्पर्कमा आउनुभएको छ । चन्द्रेको खोजीमा ४० जना प्रहरी खटिएका थिए ।  

मंसिर २९ गते रमिलालाई माइतीपक्षले लगेपछि चन्द्रे सोही दिनदेखि नै बेपत्ता हुनुभएको थियो । दलित युवकले मल्ल थरकी युवतीलाई विवाह गरेका कारण माइती पक्षले निर्घातरूपमा कुटपिट गरेका थिए ।

प्रकाशित मिति: बुधबार, पुस ७, २०७८  ११:५०
प्रतिक्रिया दिनुहोस्
Weather Update