काठमाडौं, पुष १३। हाल देशमा पश्चिमी न्यून चापीय प्रणालीको प्रभाव रहेकोले देशभर सामान्यदेखि पूर्ण बदली रहनेछ। देशका अधिकांश स्थानमा हल्कादेखि मध्यम वर्षाको सम्भावना रहेको छ । उच्च पहाडी तथा हिमाली भूभागका धेरै स्थानहरुमा हल्का देखि मध्यम हिमपातको सम्भावना रहेको छ । प्रदेश १, प्रदेश २, लुम्बिनी र सुदूर पश्चिम प्रदेशका तराई भू-भागका केही स्थानहरूमा आज हुस्सु र कुहिरो लागेको अवस्था छ।

आज र भोलि काठमाण्डौ उपत्यकासहित देशका धेरै ठाउँमा हल्कादेखि मध्यम वर्षा हुने  र पर्सि बिहीवारदेखि भने मौसम खुल्दै जाने मौसमविद्ले बताउनुभएको छ ।