ललितपुर महानगरपालिका पाँच दिनका लागि बन्द
ललितपुर, माघ १०। ललितपुर महानगरपालिकाले आज सोमबारदेखि ५ दिनका लागि अत्यावश्यक सेवा मात्रै प्रदान गर्ने भएको छ ।
महानगरपालिकाका कर्मचारी र जनप्रतिनिधिलाई कोरोना सङ्क्रमण भएकाले आजदेखि ५ दिनका लागि महानगरपालिकाबाट दिइने अत्यावश्यक बाहेकका सेवा बन्द गरिएको प्रमुख प्रशासकीय अधिकृत गणेश अर्यालले बताउनुभयो। धेरैजसो कर्मचारीलाई सङ्क्रमण भएकाले आलोपालो सेवा दिने अवस्थासमेत नरहेकाले आजदेखि शुक्रवारसम्म महानगरपालिका बन्द गर्नु परेको उहाँले बताउनुभएको छ ।
उहाँकाअनुसार महानगरबाट दिइने स्वास्थ्य सेवा, दमकल, शववाहन, एम्बुलेन्स, सरसफाइ र नगरप्रहरीले दिने सेवा भने सञ्चालन हुनेछ ।
प्रकाशित मिति: सोमबार, माघ १०, २०७८ १२:०१
प्रतिक्रिया दिनुहोस्
थप समाज दर्पण
साताको लोकप्रीय
