
काठमाडौं, साउन २० । सानिमा लाईफ इन्स्योरेन्स कम्पनीको ६० करोड रुपैयाँ बराबरको साधारण शेयरको बिक्री साउन २० गते अर्थात आज बुधबारबाट खुल्ला भएको छ । कम्पनीको बिक्री प्रवन्धक प्रभुु क्यापिटल लिमिटेड मार्फत एक सय रुपैयाँ अंकित मुल्य कायम रहने गरी ६० लाख कित्ता साधारण शेयरको बिक्री खुल्ला गरेको हो ।
लगानीकर्ताहरुले न्युनतम १० देखि अधिकतम ३० हजार कित्तासम्मको शेयर खरिदको लागि आवेदन दिन सक्ने कम्पनीको शेयर बिक्री कार्य छिटोमा यही साउन २४ गते र ढिलोमा भदौ दुई गते बन्द हुुने छ । अधिकृत पुंजी तीन अर्ब तथा जारी पुंजी दुई अर्ब रुपैयाँ रहेको कम्पनीको हाल चुक्ता पुंजी एक अर्ब ४० करोड रुपैयाँ रहेको छ । साधारण शेयरको बिक्री पश्चात भने कम्पनीको चुक्ता पुंजी दुई अर्ब रुपैयाँ पुग्ने छ ।
आजबाट बिक्री खुल्ला भएको कुल शेयर मध्येमा पाँच प्रतिशत अर्थात तीन लाख कित्ता कर्मचारीहरुको लागि, पाँच प्रतिशत अर्थात तीन लाख कित्ता सामुहिक लगानी कोषको लागि र बाँकी रहेको ५४ लाख कित्ता सर्वसाधारणको लागि बिक्री हुने छ ।