काठमाडौं, असोज ५ । संयुक्त अरब इमिरेट्स (युएई)ले युनिटी कप टी-२० शृङ्खला खेल्न जाने नेपाली क्रिकेट टोलीलाई अन्ततः भिसा उपलब्ध गराएको छ । नेपाल क्रिकेट संघ (क्यान) ले एक विज्ञप्ति जारी गर्दै भिसा दिएको पुष्टि गरेको छ । नेपाली टोली सोमबार युएई प्रस्थान गर्नेछ ।
नेपाली टोली वेस्ट इन्डिज विरुद्धको तीन खेलको टी-२० शृङ्खला खेल्न शुक्रबार बिहान युएई उडान गर्ने तालिका रहेको भएपनि आइतबारसम्म कुनै स्पष्ट स्पष्टीकरण बिना भिसा जारी नगरेपछि यूएई प्रस्थानमा ढिलाइ भएको थियो ।
सेप्टेम्बर ८र ९ को जेनजीको विरोध प्रदर्शन पछि युएईले नेपाली नागरिकहरूलाई पर्यटक वा काम गर्ने भिसा रोकेको छ ।
नेपाली टोलीले यूएईमा वेस्ट इन्डिजसँग तीन खेलको टी–ट्वान्टी सिरिज खेल्नेछ । नेपालले पहिलो खेल सेप्टेम्बर २७ दोस्रो खेल २९ र अन्तिम खेल ३० तारिखमा खेल्नेछ ।
