काठमाडौं, असोज २८ । सन्दीप लामिछानेको सानदार बलिङमा आइसिसी पुरुष टि ट्वान्टी एसिया तथा इस्ट एसिया–प्यासिफिक छनोटको सुपर सिक्समा नेपालले कतारलाई ५ रनले हराएको छ ।
कप्तान रोहित पौडेलको अर्धशतक र लेग स्पिनर सन्दीप लामिछानेको उत्कृष्ट पाँच विकेटको मद्दतले नेपालले आईसीसी टी–२० विश्वकप एसिया छनोटको सुपर सिक्स चरणमा कतारमाथि ५ रनको रोमाञ्चक जित हासिल गरेको हाे । यसअघि टस हारेर, ओमानको अल अमेरात क्रिकेट स्टेडियममा नेपालले ९ विकेट गुमाएपछि १४७ रन बनाएको थियो ।
ओमानको अल अमिरतस्थित ओमान क्रिकेट एकेडेमी टर्फ ९१ मा आज भएको खेलमा नेपालले कतारलाई पाँच रनले पराजित गर्दै सुपर सिक्समा लगातार दोस्रो जित दर्ता गराएको हो । आइतबार भएको पहिलो खेलमा नेपालले संयुक्त अरब इमिरेट्स युएईलाई एक रनले हराउँदै रोमाञ्चक जित हासिल गरेको थियो ।
कतारका दुई खेलाडीको अर्धशतकमा जित नजिक पुगे पनि सन्दीपको तारिफयोग्य बलिङमा नेपालले ५ रनको रोचक जित दर्ता गराएको हो । हिजो युएई विरूद्ध जस्तै आज पनि अन्तिम ओभर नै निर्णायक र अपत्यारिलो बन्यो।
लामिछानेले खेल जित्ने स्पेलका साथ खेल नेपालको पक्षमा पारे, ३.५ ओभरमा मात्र १८ रन दिएर ५ विकेट लिए । उनले मोहम्मद असिम, शाहजैब जमील, मुजीब उर रहमान र अमिर फारुक लगायतका प्रमुख ब्याट्सम्यानहरूलाई आउट गरे । नन्दन यादवले २ विकेट लिए भने दीपेन्द्र सिंह ऐरीले एक विकेट लिए । कतारीका दुई ब्याट्सम्यान रन आउट भए ।
कप्तान रोहित पौडेलले जिम्मेवारपूर्ण पारी खेल्दै पारीलाई स्थिर बनाए र ३५ बलमा आफ्नो अर्धशतक पूरा गरे । उनले चौथो विकेटका लागि दीपेन्द्र सिंह ऐरीसँग २६ रनको योगदान पुर्याउने ६२ रनको महत्वपूर्ण साझेदारी गरे । पौडेल अन्ततः ४१ बलमा ५८ रनमा आउट भए, उनले ६ चौका र १ छक्का प्रहार गरे । यता कतारका लागि कप्तान मिर्जा बेग र डानियल लुइसले समान तीनरतीन विकेट लिए भने मुहम्मद असिमले १ विकेट लिए ।
कतार विरूद्धको खेलमा नेपालका क्रिकेटर सन्दिप लामिछानेले आफ्नो करियरको दोस्रो ५ विकेट लिएर प्लेयर अफ दि म्यान बनेका छन् ।
