काठमाडौं, पुस ११।  तेस्रो पटक नेपालको प्रधानमन्त्रीमा नियुक्त हुनुभएका प्रधानमन्त्री पुष्पकमल दाहाल 'प्रचण्ड' लाई राष्ट्रपति विद्यादेवी भण्डारीले आज सोमबार पद तथा गोपनीयताको शपथ ग्रहण गराउने हुनुभएको छ  ।

आज सोमबार अपराह्न ४ बजे प्रचण्डले पद तथा गोपनीयताको शपथ लिनुहुनेछ । राष्ट्रपति कार्यालयका अनुसार सोमबार नवनियुक्त प्रधानमन्त्रीको पद तथा गोपनीयताको शपथ समारोह आयोजना गरिएको छ । प्रधानमन्त्री नियुक्त भएको एक महिनापछि प्रचण्डले प्रतिनिधिसभामार्फत विश्वासको मत लिनुपर्नेछ ।

प्रचण्ड एमाले र राप्रपासहित ७ दल र केही स्वतन्त्र सांसदहरूको समर्थनमा प्रधानमन्त्री बन्नुभएको हो । प्रधानमन्त्रीसहित केही मन्त्रीहरुको पनि शपथ आजै हुने जनाइएको छ ।