काठमाडौं, कात्तिक १६ ।  धरान उपमहानगरपालिकाका मेयर हर्क साङपाङको ‘श्रम संस्कृति पार्टी’ले मान्यता पाएको छ । निर्वाचन आयोगले आइतबार धरान उपमहानगरपालिकाका मेयर साम्पाङको श्रम संस्कृति पार्टीलाई औपचारिक मान्यता दिएको हो । 

मेयर साम्पाङ आज निर्वाचन आयोगमा पुगेर पार्टी दर्ताको मान्यताको प्रमाणपत्र लिएका हुन् । आगामी फागुन २१ गते हुने प्रतिनिधिसभा निर्वाचनको तयारीका क्रममा नयाँ दलहरू दर्ता प्रक्रियामा रहेको बेला साम्पाङको पार्टीले पनि वैधानिकता पाएको हो । यससँगै अब श्रम संस्कृति पार्टीले राष्ट्रिय राजनीतिमा औपचारिक उपस्थिति जनाउने बाटो खुलेको छ ।

पार्टीको औपचारिक स्वीकृति प्राप्त गर्न साम्पाङ व्यक्तिगत रूपमा निर्वाचन आयोगको भ्रमणमा गएका थिए ।