बुटवल, मंसिर ८ । नेपाली कांग्रेस प्यूठानको सभापतिमा विष्णुकुमार गिरी निर्वाचित हुनु भएको छ । मंगलबार भएको निर्वाचनमा शिवराज रिजाललाई ७२ मत अन्तरले पछि पार्दै गिरी सभापतिमा विजयी हुनु भएको हो । गिरि रामचन्द्र पौडेल निकट नेता हुनुहुन्छ ।

सभापति पदका लागि खसेको १०६९ मतमध्ये गिरीले ५६६ मत ल्याए भने रिजालले ४९४ मत प्राप्त गर्नु भएको थियो  । रिजालले यसअघिका सभापति अमर भण्डारीसँग पनि प्रतिस्पर्धा गर्नु भएको थियो  ।

उहाँले २०५५ सालमा नेविसंघबाट राजनीति सुरु गर्नु भएको थियो ।