काठमाडौं, पुष २२। केन्द्रीय सदस्य पद खारेज गर्न माग गर्दै विनोद चौधरीविरूद्ध उजुरी परेको छ। उहाँ नेपाली कांग्रेसको १४औँ महाधिवेशनबाट केन्द्रीय सदस्यमा निर्वाचित हुनुभएको थियो । विधान विपरीत हुने गरी चौधरी केन्द्रीय सदस्य बनेकोले उक्त पद खारेजीको माग गर्दै सिरहा क्षेत्र नम्बर ३ का महासमिति सदस्य सुभाषचन्द्र यादवले उजुरी दिनु भएको हो  ।

कांग्रेसको विधान, २०१७ को परिच्छेद ७ दफा २१९८० मा १० वर्ष निरन्तर नेपाली कांग्रेसको क्रियाशील सदस्य भएको महाधिवेशन प्रतिनिधिबाट ४ महिला सहित ९ जना मधेसी केन्द्रीय सदस्य रहने व्यवस्था छ। तर चौधरी २०७४ सालमा मात्र कांग्रेस प्रवेश गर्नुभएकोले केन्द्रीय सदस्य बन्न नपाउने यादवको दाबी छ । यादवले चौधरीको पद खारेज गरी आफूलाई केन्द्रीय सदस्य बनाउन पनि माग गर्नु भएको छ । विनोद चौधरी मधेशी खुला कोटाबाट केन्द्रीय सदस्य निर्वाचित हुनुभएको थियो ।