काठमाडौं, माघ २६। निर्वाचन आयोगले स्थानीय चुनावमा विद्युतिय भोटिङ्ग मेसिन प्रयोग गर्ने भएको छ। सरकारले आगामी वैशाख ३० गते स्थानीय तहको निर्वाचन गर्ने घोषणा गरिसकेको छ ।

आर्थिक तथा प्राविधिक दृष्टिकोणले प्रयोग गर्न सक्ने देखिएमा काठमाडौं उपत्यकामा ‘इ-भोटिङ’ गराउन आयोग आवश्यक तयारीमा रहेको कुरा आयोगले जानकारी दिएको छ । निर्वाचन आयोगले स्थानीय चुनावमा पहिलो पटक विद्युतीय भोटिङ मेसिन प्रयोग गर्ने भएको हो ।

निर्वाचन आयोगबाट गरिएको नमुना मतदान अभ्यास शनुसार कॉगजी मतपत्रमा मतदान गर्दा एक मिनेट २० सेकेन्ड समय लाग्ने देखिएको छ भने विद्युतीय मेसिनबाट मतदान गर्दा एक जनालाई कम्तीमा १७ सेकेन्ड समय लाग्ने देखिएको छ ।