काठमाडौं, फागुन १३। प्रतिनिधिसभाको आज १ बजे बस्ने भनिएको बैठक स्थगित भएको छ ।

सरकारका तर्फबाट कानुनमन्त्री दिलेन्द्रप्रसाद बडूको आग्रहमा सभामुख अग्निप्रसाद सापकोटाले आजको बैठक स्थगित गर्नुभएको हो । संसद बैठक आइतबार १ बजेसम्मका लागि स्थगित गरिएको हो ।

हिजोका लागि बोलाइएको बैठक पनि दलहरुबीच सहमति नभएपछि सरकारको आग्रहमा आज दिउसो १ बजेसम्मको लागि स्थगित गरिएको थियो । आजको बैठकमा अर्थमन्त्री जनार्दन शर्माले एमसिसीमाथि सामान्य छलफल गरियोस् भन्ने प्रस्ताव प्रस्तुत गर्ने सम्भावित कार्यसूची रहेको थियो।